17 апреля 2020 года, в Великий Пяток — день, посвященный воспоминанию Святых спасительных Страстей Господа нашего Иисуса Христа, исполняющий обязанности настоятеля храма святых равноапостольных князя Владимира и княгини Ольги в Черемушках г. Москвы протоиерей Владимир Быстрый и штатный клирик храма иерей Димитрий Гончаренко совершили вечерню с выносом Плащаницы Спасителя.
Искупил ны еси от клятвы законныя/ Честною Твоею Кровию,/ на Кресте пригвоздився, и копием прободся,/ безсмертие источил еси человеком,// Спасе наш, слава Тебе.
Нас ради Распятаго, приидите, вси воспоим:/ Того бо виде Мария на Древе и глаголаше:// аще и распятие терпиши, Ты еси Сын и Бог Мой.
Разбойника благоразумнаго во едином часе раеви сподобил еси, Господи, и мене Древом Крестным просвети и спаси мя.
Распеншуся Тебе, Христе, погибе мучительство,/ попрана бысть сила вражия./ Ниже бо Ангел, ниже человек,// но Сам, Господи, спасл еси нас, слава Тебе.
Господи, осудиша Тя иудее на смерть, Жизнь всех,/ иже чермное море жезлом прошедшии,/ на Кресте Тя пригвоздиша,/ и иже от камене мед ссавшии,/ желчь Тебе принесоша./ Но волею претерпел еси,/ да нас свободиши от работы вражия,// Христе Боже, слава Тебе.
Спасение соделал еси посреде земли, Христе Боже,/ на Кресте пречистеи руце Твои простерл еси,/ собирая вся языки зовущия:// Господи, слава Тебе.
Видя разбойник Начальника жизни/ на Кресте висяща, глаголаше:/ аще не бы Бог был воплощься, Иже с нами распныйся,/ не бы солнце лучи своя потаило,/ ниже бы земля трепещущи тряслася.// Но вся терпяй, помяни мя, Господи, во Царствии Твоем.